: يعني ايه القلة المندسة ؟
أكيد سمعت المصطلح ده قبل كده .بتسمعه في النشرة او تقراه في الجرائد بعد الاحداث الكبيرة.
لما بتلاقي تزوير واضح في الانتخابات وتلاقي ناس بتعترض تلاقي حكومة الحزب الواطني تقولك دول قلة مندسة .ولما تلاقي ناس بتعترض علي زيادة الاسعار يقولو دول قلة مندسة .ولما الناس تقف ضد الظلم يقولو دول قلة مندسة . العمال والمدرسين والموظفين اللي بيطلبوا بحقوقهم يقولوا عليهم قلة مندسة.الحركات السياسية من اليمين لليسار والاحزاب وفد - تجمع ناصري – غد- جبهة- اخوان- كفاية- شباب 6 ابريل كل التيارات والافكار برضه حكومة الحزب الوطني بتسميهم قلة مندسة. والغريب ان الاغلبية الغير مندسة اللي بيزعم الحزب انها معاه جايه اساسا من التزوير والبلطجه واستغلال موارد الدوله بطريقه غير مشروعه. احنا بقي حاولنا نجمع كل القله المندسه في مكان واحد ولو انت مندس الكتيب ده بيقدم لك كذا طرح لاصحاب مؤتمر القله المندسه وعلي الله تفهم يا مدسوس